Даниялик ҳимоячи Симон Кьяер мавсум охирида "Милан" билан хайрлашади. У клуб расмий сайтига берган интервьюсида Италияга айнан шу жамоада ўйнаш учун келганини қайд этди.
"Италияга 19 ёшимда келганман, ўшанда илк жамоам "Палермо" эди. Кейин агентимга “Милан”га боришни хоҳлаётганимни айтдим. Бу бироз кўпроқ вақт талаб қилди ва "Милан"га келганимда ҳаммаси бошқача эди, муаммолар кўп эди. Лекин Паоло Мальдини ва Федерико Массара мени биринчи навбатда ёш футболчиларга тажриба беришга кўндиришди. Ўйлайманки, мен ўз вазифамни бажардим", - дея Кьяернинг сўзларини келтиради pianetamilan.it.
