"Бавария" эҳтимол бир нечта номзодлар билан муваффақиятсизликка учраганидан кейин янги бош мураббий билан боғлиқ муаммони тезроқ ёпмоқчи. Sky Germany журналисти Флориан Плеттенбергнинг хабар беришича, Мюнхен клуби "Бёрнли" устози Венсан Компани билан музокараларни давом эттирмоқда.
Айнан Компанини "Бавария" асосий номзод сифатида аниқлаганди - клуб бошлиқлари Макс Эберль ва Кристоф Фройнд бу мутахассисни жамоа бошқарувида кўрмоқчи. 38 ёшли бельгияликнинг ўзи Мюнхенда ишлашга қарши эмас. Аммо “Бавария” ва Компани ўртасида ҳали тўлиқ келишув йўқ.
Маурисио Почеттинога келсак, "Бавария" маълумот тўплаган, бироқ ҳозирча муҳокамалар бўлмаган. Клуб ҳозир бор эътиборини Компани билан музокараларга қаратган.
