Лондоннинг "Челси" клуби янги бош мураббийлик лавозимига номзодни танлашга ҳали қарор қилгани йўқ.
Журналист Фабрицио Романонинг сўзларига кўра, "кўклар" рўйхатида учта номзод бор - "Брентфорд" устози Томас Франк, "Лестер" бош мураббий Энцо Мареска ва "Ипсвич" бошқарувчиси Киран Маккенн.
Қайд этилишича, "Челси" "Штутгарт" бош мураббийи Себастьян Хёнесни жуда яхши кўради, бироқ немис мутахассисини олиш жуда қийин бўлади, чунки у яқинда ўз клуби билан шартномасини узайтирди.
Эслатиб ўтамиз, кеча "Челси" ўзаро келишувга кўра Маурисио Почеттино билан хайрлашганини эълон қилган эди. Аргентиналик мутахассиси клуб билан чемпионатни олтинчи ўринда якунлади.
