Италия терма жамоаси ва бир қатор Италия жамоаларининг собиқ футболчиси Антонио Кассано яқин орада Тиаго Моттанинг "Ювентус"га келиши ҳақидаги маълумотларга жавоб қайтарди.
"У туринликларнинг таклифини қабул қилмаслигига чин юракдан умид қиламан. Тиаго Гасперини билан бирга Италиянинг энг яхши мураббийи, у жуда кўп сифатли ишларни амалга оширди. "Ювентес" чиройли футбол ҳақида қайғурмайди", деди Кассано.
Мотта шогирдлари жорий мавсумда 67 очко жамғариб, Италия чемпионати жадвалида учинчи ўринда бормоқда.
