"Бавария" ва Германия терма жамоасининг собиқ бош мураббийи Ханс-Дитер Флик катта эҳтимол билан "Барселона"ни бошқаради.

Каталония клуби бу ҳақда 30 май, чоршанба куни эълон қилишни режалаштирмоқда, деб хабар бермоқда испаниялик журналист Хавер Валлс.

Манба берган хабарга кўра, спорт директор Деку ва германиялик мутахассис ўртасидаги телефон орқали музокаралар муваффақиятли ўтган. Немис каталонияликларнинг молиявий қийинчиликларига қарамай, жамоани бошқаришга рози. Шунингдек, ҳозирги бош мураббий Хави раҳбариятнинг Фликни тайинлаш қароридан аллақачон хабар топгани хабар қилинган.