Лондоннинг "Челси" клуби "Барселона"нинг марказий ҳимоячиси трансфери учун катта таклиф тайёрламоқда. Mundo Deportivo хабарига кўра, "кўклар" Рональд Араухони Тиаго Сильва ўрнига таклиф қилмоқчи.
Манбада айтилишича, шу билан бирга, Араухо учун катта пул олишга бўлган катта васвасага қарамай, "Барселона" футболчини дахлсиз деб билади ва уни ёзги трансфер ойнасида сотиши даргумон.
Араухога аввалроқ Мюнхеннинг "Бавария" клуби ҳам қизиқиш билдираётган эди, аммо марказий ҳимоячи яқин орада "Блауграна"ни тарк этиш ниятида эмас. "Барселона" футболчи билан шартномани узайтирмоқчи.
