Эртага олий лига 4-тур учрашувлари старт олади.
Турнинг қизиқарли учрашувларидан бири Тошкентда “Бунёдкор” ҳамда “Гулистон” жамоалари ўртасида кечади. Учрашув 29 март куни “Бунёдкор” стадионида соат 17:00да старт олади.
Учрашувнинг аҳамиятли жиҳати шундаки, ортда қолган уч тур якунларига кўра “Бунёдкор” ва “Гулистон” жамоаларининг турнир жадвалидаги мағлубият устуни бўм-бўш турибди. Ҳатто, бу икки жамоа ўз дарвозаси дахлсизлигини сақлаш борасида ҳам бир хил кўрсаткичга эгалар. На “Бунёдкор” ва на “Гулистон” ҳали ўз дарвозасидан тўп ўтказиб юбормаган.