“Лестер” бош мураббийи Энцо Мареска бир неча ҳафта олдин Испаниянинг “Севилья” клубидан таклиф олган, бироқ дарҳол рад жавобини берди. Журналист Фабрицио Романонинг хабарига кўра, италиялик мутахассис Англия Премьер-лигасида ишламоқчи.
Мареска Лондоннинг “Челси” клуби янги бош мураббийи лавозимига устувор номзодлардан бири экани аввалроқ хабар қилинганди. "Аристократлар" раҳбарияти Энцо ва "Ипсвич" билан Чемпионшипда иккинчи ўринни эгаллаган Киран МакКенна ўртасида танлов қилмоқда.
Эслатиб ўтамиз, Мареска бунгача "Манчестер Сити"да Пеп Гвардиоланинг ёрдамчиси бўлиб ишлаган.
