Венсан Компани "Бавария"да юқори баҳоланади.
Мюнхенликлар раҳбарияти аъзолари Макс Эберль ва Кристоф Фройнд бельгияликнинг устунлик қилиш, тўпга эгалик қилиш ва ҳимоядан тезда ҳужумга чиқиш фалсафаси "Бавария"га жуда мос келади, деб ҳисоблашади.
Компани яхши мулоқотчи ва ёш футболчиларга илҳом берадиган одам ҳисобланади. "Бавария" ҳам бунга умид қилмоқда. Шунингдек, у футболчилар билан яхши муносабатларга эга эканлиги ҳам қадрланади.
Қайд этилишича, “Бавария” жамоага катта салоҳиятга эга ёш мутахассис мураббийлик қилишдан манфаатдор.
