Дани Ольмо фаолиятини "Бавария"да давом эттириши мумкин.
Мюнхен клуби "Лейпциг" ярим ҳимоячисини эҳтимолий харидлар рўйхатига киритди, дея хабар беради Фабрицио Романо. "Бавария" спорт директори Макс Эберль футболчи билан "буқалар"да бирга ишлаган.
26 ёшли футболчига "Барселона" ҳам қизиқиш билдирмоқда. Қолаверса, испаниялик футболчига Премьер-лиганинг икки клуби ҳам қизиқиш билдирмоқда.
Бу ёзда Ольмонинг "Лейпциг" билан шартномасига киритилган товон пули банди кучга киради. Бу сумма 60 миллион еврони ташкил қилади.
Ўтган мавсумда ярим ҳимоячи Бундеслигада 21 та ўйин ўтказиб, 4 та гол ва 5 та голли узатмани амалга оширган.
