Жорий мавсум якунида «Кальяри»ни тарк этадиган Клаудио Раньери клублар миқёсида мураббийлик фаолиятини якунлаганини тасдиқлади.
«Кальяри»ни қабул қилиб олганимда, клуб мураббийи сифатидаги фаолиятимни шу ерда якунлашимни аниқ айтгандим. Аммо эртага мени Италия терма жамоасига эмас, балки қайсидир терма жамоага таклиф қилишса, «ҳа» деб жавоб бера оламан. Мен бошқа клубларда ишламайман», - дея Раньерининг сўзларини келтиради "Football Italia".
Эслатиб ўтамиз, аввалроқ журналист Жанлука Ди Марцио 72 ёшли Раньери жорий мавсум якунида мураббийлик фаолиятини якунлаши ҳақида хабар берган эди.
