Испаниянинг “Валенсия” клуби ўз дарвозабони Гиорги Мамардашвилини ёзги трансфер ойнасида сотишга рухсат берди.
Англиянинг "Ньюкасл" клуби қизиқиш билдираётган клублар қаторида, аммо Sport Witness маълумотларига кўра, "магпилар" ҳозирда "Валенсия" талаб қилаётганидан 10 миллион евро камроқ таклиф қилмоқда.
Мамардашвили жорий мавсум Испания чемпионатида 36 та ўйин ўтказиб, 14 тасида ўз дарвозаси дахлсизлигини сақлаб қолган. 23 ёшли грузиялик футболчини Transfermarkt 35 миллион еврога баҳоламоқда.