Шанба куни ярим ҳимоячи Тони Кроос "Сантьяго Бернабеу" стадионида "Реал" сафидаги сўнгги ўйинини ўтказади. Немис футболчиси яқинда Европа чемпионатидан сўнг фаолиятини якунлаш тўғрисида қарорини маълум қилди.
"Реал Мадрид" бош мураббийи Карло Анчелотти Кроос 2024 йилда "Олтин тўп"ни қўлга киритиши мумкинми деган саволга жавоб берди.
"Олтин тўп"? Мен бу ҳақда билмайман. Агар биз Чемпионлар лигасида ғалаба қозонсак, "Реал Мадрид"нинг исталган футболчиси "Олтин тўп"ни қўлга киритиши мумкин. Лекин биз учун бу муҳим эмас. Жамоа унвонлари биз учун муҳим", - деди Анчелотти матбуот анжуманида.
Чемпионлар лигаси финалида "Реал" 1 июнь куни Дортмунднинг “Боруссия” жамоасига қарши майдонга тушади.
