Ҳужумкор ярим ҳимоячи Хвича Кварацхелия трансфер бозорида катта талабга эга. "ПСЖ" 23 ёшли грузияликни ўз сафида кўрмоқчи. Лига 1 гиганти Хвичага ҳужум чизиғида Килиан Мбаппе ўрнини боса оладиган футболчи сифатида умид қилмоқда.
La Gazzetta dello Sport хабарига кўра, "ПСЖ" Кварацхелия учун 100 миллион евро таклиф қилган. Таклиф катта, аммо “Наполи” президенти Аурелио Де Лаурентис футболчини жамоада олиб қолмоқчи.
Неаполликлар Хвича билан янги меҳнат шартномасини имзолашни кутмоқда. 2023/2024 йилги мавсумда Хвича Кварацхелия “Наполи” сафида 44 та расмий ўйинда майдонга тушиб, 11 та гол урди ва шерикларига 9 та голли узатма берди.
