Италия А серияси матбуот хизмати 2023/2024 йилги мавсумнинг энг яхши футболчиларини аниқлашда давом этмоқда.
Шу тариқа, “Ювентус”дан Душан Влахович энг яхши ҳужумчи деб топилди. Жорий Италия чемпионатида сербиялик футболчи 32 ўйинда 16 та гол урган.
Скудеттони қўлга киритган "Интер"дан Хоқон Чалханўғли энг яхши ярим ҳимоячи сифатида тан олинди.
30 ёшли футболчи Италия чемпионатининг 31та учрашувида 13та гол урди ва 3та голли узатмани амалга оширди.
Эслатиб ўтамиз, А Сериянинг мавсумдаги энг яхши ҳимоячиси сифатида “Интер” вакили Алессандро Бастони, энг яхши мураббий эса “нерадзуррилар” устози Симоне Индзаги деб топилди.
Эслатиб ўтамиз, “Интер” апрель ойида Италия чемпионига айланганди.
