Мадриднинг “Реал” клуби “Эспаньол”дан ижарага олинган ҳужумчи Хоселу борасида бир қарорга келди.
34 ёшли футболчи мавсумни ажойиб ўтказди ва "Лос Бланкос"ни ўзининг тўлиқ трансферига муносиблигига ишонтирди. Журналист Патрик Бергернинг ёзишича, “Реал” футболчини сотиб олиш вариантидан фойдаланишга қарор қилган. Ҳужумчининг "Қироллик клуби" билан шартномаси кейинги мавсум охиригача амал қилади.
Хоселу жорий мавсумда Карло Анчелотти жамоаси сафида 48 та ўйинда майдонга тушиб, 17 та гол ва 3 та голли узатмага муаллифлик қилган. Испаниялик футболчининг Чемпионлар лигасининг жавоб ярим финалида “Бавария”га қарши ўйиндаги дубли (2:1) мадридликларга турнир финалига йўлланма олиб келди.
