Ҳужумчи Лаутаро Мартинес “Интер”да қолиш ниятида.

Аргентиналик футболчи А Сериянинг сўнгги мавсумида тўпурар бўлди, шунингдек, турнирнинг энг яхши футболчиси сифатида ҳам эътироф этилди. Агент Алехандро Каманонинг сўзларига кўра, доимий миш-мишларга қарамай, форвард кетиш ниятида эмас.

“У энг яхши футболчи совринини олгани жуда ёқимли. Бу унинг жорий мавсумда “Интер” билан қилган барча ишлари натижасидир.

Лаутаро ҳали ёш ва ажойиб мавсум ўтказди. Унинг келажагига келсак, у "Интер" футболчиси бўлиб қолаверади. Мен бошқа клублар билан мулоқот қилмаганман ва бундай қилиш ниятим ҳам йўқ. Биз “Интер” билан шартномани узайтириш масаласини муҳокама қилмоқдамиз, амалдаги шартнома муддати икки йилдан кейин тугайди. Унга бошқа клублар ҳам қизиқиш билдираётган бўлиши мумкин, лекин мен фақат "Интер" билан гаплашяпман", - дея агентнинг сўзларини келтиради Football Italia.