Hujumchi Lautaro Martines “Inter”da qolish niyatida.
Argentinalik futbolchi A Seriyaning so‘nggi mavsumida to‘purar bo‘ldi, shuningdek, turnirning eng yaxshi futbolchisi sifatida ham e’tirof etildi. Agent Alexandro Kamanoning so‘zlariga ko‘ra, doimiy mish-mishlarga qaramay, forvard ketish niyatida emas.
“U eng yaxshi futbolchi sovrinini olgani juda yoqimli. Bu uning joriy mavsumda “Inter” bilan qilgan barcha ishlari natijasidir.
Lautaro hali yosh va ajoyib mavsum o‘tkazdi. Uning kelajagiga kelsak, u "Inter" futbolchisi bo‘lib qolaveradi. Men boshqa klublar bilan muloqot qilmaganman va bunday qilish niyatim ham yo‘q. Biz “Inter” bilan shartnomani uzaytirish masalasini muhokama qilmoqdamiz, amaldagi shartnoma muddati ikki yildan keyin tugaydi. Unga boshqa klublar ham qiziqish bildirayotgan bo‘lishi mumkin, lekin men faqat "Inter" bilan gaplashyapman", - deya agentning so‘zlarini keltiradi Football Italia.
