Александр Глебнинг фикрича, “Барселона” Хавини бекорга ҳайдаб юборган.
"Менинг фикримча, Хави қолиши керак эди. Бу клубнинг қарори. Бу тўғри ёки нотўғрилигини вақт кўрсатади.
"Барселона"да ишлаш унчалик осон эмас, чунки мухлислар ва раҳбариятдан доимо энг юқори кутилмалар бўлади. Бу ҳар доим энг юқори ўринлар учун курашадиган клуб. Ҳозир жамоада авлод алмашинуви бор, жамоада ёшлар кўп.
Бу, албатта, Хави учун ижобий тажриба. У асосий футболчилар клубни тарк этган бир пайтда келди. У ёш футболчилардан бутунлай бошқача жамоа тузиши керак эди ва улар билан Испания чемпиони бўлишга муваффақ бўлди", - дея таъкидлади "Барселона"нинг собиқ ярим ҳимоячиси.
