Юрген Клопп ўз ходимлари билан "Ливерпул"ни тарк этди. Арне Слот 1 июндан "қизиллар"ни бошқаради.

Аммо мерсисайдликларнинг янги мураббийи клуб, футболчилар ва мухлислар билан жуда яхши таниш инсон Пеп Лейндерс бўлиши мумкин эди.

The Athletic нашрига берган интервюсида Лейндерс нима учун Клопп билан "Ливерпул"дан кетишга қарор қилганини тушунтирди.

"Юрген ўтган йиллар давомида жамоани бошқариш истагим ҳақида бир неча бор сўради. Юрген менга бу саволни ўтган мавсумда ва бу мавсумда икки марта берган эди, лекин ҳар сафар мен йўқ деб жавоб бердим. Аввало, бу бизнинг умумий лойиҳамиз эканлигини ҳис қилдим. Юрген масъул эди ва мен бу лойиҳани биргаликда якунлашимизга ишонардим.

Иккинчидан, “Ливерпул”да деярли 10 йил ишладим! Мен янги тажрибага тайёр эдим: янги одамлар, менинг бизнесим, футболчиларим. Мен бор нарсамни шу футболчилар гуруҳига бердим. Ўйлайманки, мен қолганимда жамоа худди шу руҳда ишлашда давом этган бўларди. Менимча, жамоага ҳам янгилик керак.

Айтганча, агар Майк Гордон(клуб директори) менга қўнғироқ қилса, менинг муносабатим қандай бўлишига ҳеч қачон ишончим комил эмас эди. Сиз йўқ, йўқ, йўқ дейсиз, лекин ҳамма нарса қандай бўлишини билмаслигингиз мумкин.

Майк менга қўнғироқ қилди ва деди: "Пеп, биз сизни бош мураббийлик лавозими учун кўриб чиқдик, лекин мен сизни Юргеннинг ўрнига қўймаганимиз адолатли деб ўйлайман". Майк яхши йигит. У ҳам менинг фикрларимни биларди. Мен амбицияларимни аниқ айтдим. Бу келажак учун яхшироқ эди", - дея қўшимча қилди Лейндерс.