"Манчестер Юнайтед" бош мураббийи Эрик тен Хаг чап қанот ҳимоячиси Люк Шоунинг савиясини юқори баҳолади. Эслатиб ўтамиз, жорий мавсумда инглиз футболчиси турли жароҳатлар туфайли АПЛда бор йўғи 12 та ўйинда майдонга туша олди.
"Люк Шоу - дунёдаги энг яхши чап қанот ҳимоячиси. Унинг савияси жуда яхши. Бироқ, у фаолиятининг бошида даҳшатли жароҳат олди. Шу сабабли у ҳеч қачон мавсумда 60 талаб ўйин ўтказа олмайди", - деди тен Хаг.
28 ёшли Шоу 2014 йилдан бери “Манчестер Юнайтед” сафида тўп тепади, у “Саутгемптон”дан 37,5 миллион евро эвазига келган. Люк ўз жамоаси билан икки марта Лига кубоги ва бир марта Европа Лигасини қўлга киритди.
