"Manchester Yunayted" bosh murabbiyi Erik ten Xag chap qanot himoyachisi Lyuk Shouning saviyasini yuqori baholadi. Eslatib o‘tamiz, joriy mavsumda ingliz futbolchisi turli jarohatlar tufayli APLda bor yo‘g‘i 12 ta o‘yinda maydonga tusha oldi.
"Lyuk Shou - dunyodagi eng yaxshi chap qanot himoyachisi. Uning saviyasi juda yaxshi. Biroq, u faoliyatining boshida dahshatli jarohat oldi. Shu sababli u hech qachon mavsumda 60 talab o‘yin o‘tkaza olmaydi", - dedi ten Xag.
28 yoshli Shou 2014 yildan beri “Manchester Yunayted” safida to‘p tepadi, u “Sautgempton”dan 37,5 million yevro evaziga kelgan. Lyuk o‘z jamoasi bilan ikki marta Liga kubogi va bir marta Yevropa Ligasini qo‘lga kiritdi.