Яқинда Килиан Мбаппе мавсум якунида "ПСЖ"ни тарк этиши ҳақида маълум қилди.

Ёзги трансфер ойнасида франциялик юлдуз ҳужумчи "Реал"га ўтиши керак - бу ҳақда тез орада эълон қилиниши мумкин.

Айни пайтда L’Equipe саҳифаларида "ПСЖ" президенти Носир ал-Хелайфий Мбаппени аввалроқ клубда қолишга қандай кўндиргани ҳақида маълумот берилган.

Биринчидан, ал-Хелайфий Мбаппе эркин агент сифатида Чемпионлар лигасидаги рақиб лагерига ўта олмаслигини айтган.

Иккинчидан, "ПСЖ" президенти Жуд Беллингем ва Харри Кейн каби йирик футболчилар ўз клубларига ўз трансферлари орқали пул ишлаб берганини таъкидлаган.

Учинчидан, ал-Хелайфий бундай трансфер билан Мбаппе "Реал Мадрид" президенти Флорентино Перес томонидан қўллаб-қувватланмаслигини айтди.

Бироқ шу гапларга қарамай Мбаппе ҳозирги президентининг режаларига амал қилмади.