"Монако" матбуот хизмати ҳужумчи Виссам Бен Йеддер француз клубини тарк этаётгани ҳақида хабар берди.
33 ёшли футболчининг амалдаги шартномаси 2024 йилнинг 30 июнига қадар мўлжалланган. Томонлар ҳамкорликни узайтирмасликка қарор қилишди.
Эслатиб ўтамиз, франциялик футболчи 2019-йилда Испаниянинг “Севилья” клубидан 40 миллион евро товон эвазига “Монако”га ўтган эди.
Ўшандан бери у жамоа сафида 201 та ўйин ўтказиб, 118 та гол урган. Бен Йеддер клуб тарихидаги энг яхши тўпурарлар рўйхатида иккинчи ўринни эгаллаб турибди.