"Monako" matbuot xizmati hujumchi Vissam Ben Yedder fransuz klubini tark etayotgani haqida xabar berdi.
33 yoshli futbolchining amaldagi shartnomasi 2024 yilning 30 iyuniga qadar mo‘ljallangan. Tomonlar hamkorlikni uzaytirmaslikka qaror qilishdi.
Eslatib o‘tamiz, fransiyalik futbolchi 2019-yilda Ispaniyaning “Sevilya” klubidan 40 million yevro tovon evaziga “Monako”ga o‘tgan edi.
O‘shandan beri u jamoa safida 201 ta o‘yin o‘tkazib, 118 ta gol urgan. Ben Yedder klub tarixidagi eng yaxshi to‘purarlar ro‘yxatida ikkinchi o‘rinni egallab turibdi.
