"Ювентус" вингери Федерико Кьеза яқин орада клубини ўзгартириши мумкин.

"Бьянконерилар"нинг янги бош мураббийи Мотта Кьезани ўз жамоасида кўрмоқчи эмас. Инсайдер Жанлука Ди Марционинг сўзларига кўра, "Болонья"нинг собиқ бош мураббийи қанот ярим ҳимоячиларидан ҳимояда фаол иштирок этишларини талаб қилади, бу эса 26 ёшли италияликнинг кучли фазилати эмас.

"Ювентус" Федерико Кьезани бўлажак трансфер ойнасида сотиши мумкин, агар унга муносиб таклиф тушса.

Transfermarkt портали футболчининг нархини 40 миллион еврога баҳолаган ва унинг амалдаги шартномаси 2025 йилнинг ёзига қадар тузилган.