37 ёшли инглиз дарвозабони Жо Харт профессионал фаолиятини якунлади.

У ўз қарорини февраль ойи охирида эълон қилди. Дарвозабон сўнгги мавсумни «Селтик»да ўтказди, у 2021 йилда «Тоттенхэм»дан шотландияликлар сафига кўчиб ўтди.

Ўтган йили у клуб билан Шотландияда треблга эришган бўлса, бу мавсумда у олтин дублга эришиб, Шотландия кубоги ва чемпионлигини қўлга киритди. Умуман олганда, у «Селтик» билан уч мавсумда 7 та соврин ютган.

Аввалроқ, англиялик футболчи 12 йилни «Манчестер Сити»да ўтказган (2006-2018), у билан бирга 6 та соврин ютган.

Шунингдек, у «Тоттенхэм», «Вест Хэм», «Бёрнли», «Бирмингем», «Торино», «Транмер», «Шрусбери» ва «Блэкпуль» клубларида ҳам ўйнаган.

Бундан ташқари, дарвозабон 2010 йилдан 2016 йилгача тўртта йирик турнирда Англия терма жамоаси таркибида бўлган.