"ПСЖ" бош мураббийи Луис Энрике ҳужумда индивидуал тезкор ва кучли футболчини ўз сафига қўшиб олмоқчи. Испаниялик мутахассисга Хвича Кварацхелия номзодини таклиф қилишди ва Энрике грузияликнинг трансферига яшил чироқ ёқди. "ПСЖ" бош мураббийининг сўзларига кўра, Хвича Энрике ўйнамоқчи бўлган ўйин услубига жуда мос тушади.
Аввалроқ, матбуотда "ПСЖ" 23 ёшли Кварацхелия учун 100 миллион евро таклиф қилгани ҳақида маълумот пайдо бўлганди. 2023/2024 йилги мавсумда грузиялик 44 та расмий ўйин ўтказиб, ўн битта гол урди ва шерикларига 9 та голли узатма берди.
