"PSJ" bosh murabbiyi Luis Enrike hujumda individual tezkor va kuchli futbolchini o‘z safiga qo‘shib olmoqchi. Ispaniyalik mutaxassisga Xvicha Kvarasxeliya nomzodini taklif qilishdi va Enrike gruziyalikning transferiga yashil chiroq yoqdi. "PSJ" bosh murabbiyining so‘zlariga ko‘ra, Xvicha Enrike o‘ynamoqchi bo‘lgan o‘yin uslubiga juda mos tushadi.
Avvalroq, matbuotda "PSJ" 23 yoshli Kvarasxeliya uchun 100 million yevro taklif qilgani haqida ma’lumot paydo bo‘lgandi. 2023/2024 yilgi mavsumda gruziyalik 44 ta rasmiy o‘yin o‘tkazib, o‘n bitta gol urdi va sheriklariga 9 ta golli uzatma berdi.
