"Манчестер Сити" келаси ёзда Пеп Гвардиоланинг ўрнига бош мураббий бўлиши мумкин бўлган мутахассислар рўйхатини тузди. Эслатиб ўтамиз, испаниялик мутахассиснинг “шаҳарликлар” билан шартномаси 2025 йилнинг июлида якунига етади.
Журналист Жек Гоганнинг ёзишича, “шаҳарликлар” Юлиан Нагельсманн (Германия терма жамоаси), Хаби Алонсо (“Байер”) ва Мичель (“Жирона”) каби мураббийларни диққат билан кузатиб бормоқда. Мичель "Манчестер Сити" хўжайинларига тегишли бўлган клубда ишлайди, шунинг учун тайинлаш жуда оддий кўринади.
Гвардиола "Манчестер Сити" бошчилигида 6 марта Англия чемпионига айланган. Хосеп жамоаси билан бир марта Чемпионлар лигасида ҳам ғалаба қозонган.
