Франциянинг "ПСЖ" клуби ўтган мавсумда "Лейпциг"да ижара асосида ўйнаган ярим ҳимоячи Хави Симонс билан нима қилишини ҳали ҳал қилмаган.
Журналист Фабрицио Романонинг хабарига кўра, парижликлар нидерландиялик футболчини кейинги мавсумда ҳам таркибда сақлаб қолиши мумкин. Бироқ, катта эҳтимол билан, Симонс бошқа ижарага кетади.
Эслатиб ўтамиз, аввалроқ Хави болалигида ёшлар даражасида ўйнаган "Барселона" жамоасига қайтишни афзал кўраётгани хабар қилинганди.
Қайд этилишича, "кўк-анорранглилар" нидерландиялик футболчини ижарага олишга тайёр, аммо "ПСЖ" футболчини бошқа жамоага беришни афзал кўраётгани айтилади. Сўнгги Бундеслигада 21 ёшли Симонс 8 та гол ва 11 та голли узатмани амалга оширди.