"Лейпциг" дарвозабони Петер Гулачи жамоада ўйнашда давом этади. Немис клуби расмий сайти хабарига кўра, 34 ёшли дарвозабон билан янги шартнома 2026 йилгача амал қилади.
Гулачи ўтган мавсумда “Лейпциг” сафида Бундеслигада 18 та ўйинда қатнашиб, ўз дарвозасидан 15 та гол ўтказиб юборган ва 5 та ўйинда дарвозаси дахлсизлигини сақлаб қолган.
Бунгача унинг клуб билан шартномаси 2025 йилнинг ёзига қадар амалда бўлган ва Венгриянинг "МТК" клуби тарбияланувчисининг трансфер қиймати 3,5 миллион еврони ташкил қилади. “Лейпциг” ўтган мавсумда 34 турда 65 очко жамғариб, турнир жадвалида тўртинчи ўринни эгаллади.
