Goal портали 2024 йилда "Олтин тўп"ни қўлга киритиш учун фаворитлар рейтингининг янги версияси эълон қилинди.
Кучли тўртликда ўзгаришлар кузатилмади: Винисиус Жуниор биринчи, Жуд Беллингем иккинчи, Килиан Мбаппе учинчи, Фил Фоден тўртинчи ўринни эгаллади.
Харри Кейн бешинчи, Тони Кроос эса олтинчи ўринга кўтарилди. Флориан Вирц, ўз навбатида, бешинчи ўриндан еттинчи ўринга тушиб кетди.
Шунингдек, кучли ўнталикка Родри, Родриго ва Антонио Рюдигер кирди. Лионель Месси ҳамон кучли йигирматаликда – аргентиналик футболчи 16-ўринда. Ўтган йили "Олтин тўп"ни айнан Месси қўлга киритганди.
