"Барселона" дарвозабони Марк-Андре тер Штеген Хавининг Каталония жамоаси бош мураббийлигидан четлатилишига изоҳ берди.
“Профессионал сифатида у бизга доим кўп нарса берди. У бизни муваффақиятга эришиш учун ҳар куни ишлади ва биз ундан жуда миннатдормиз. Шахсий даражада, у кўп йиллар давомида дўст бўлиб келган. Биз унга энг яхши тилакларни тилаймиз, чунки у бунга лойиқ", - дея Тер Штеген сўзларини келтирмоқда Mundo Deportivo.
24 май куни Каталония клуби матбуот хизмати Хави жорий мавсум якунида "Барселона" бош мураббийлигидан четлатилганини эълон қилди.
“Барселона” 85 очко жамғариб, мавсум якунига кўра Ла Лига турнир жадвалида иккинчи ўринни эгаллади.
