"Ювентус" чап қанот ҳимоячиси Алекс Сандро жамоани тарк этишини эълон қилди.
Унинг шартномаси 2024 йилнинг 30 июнида тугайди ва у эркин агентга айланади.
Аввалроқ, Алекса Сандрони "Сан-Паулу" ўз сафига қўшиб олмоқчи эканлиги ҳақида маълумотлар бор эди, футболчи яна "Порту" билан гаплашган, Саудия Арабистонининг баъзи клублари ҳам у билан боғланишган.
Бразилиялик футболчи 2015 йилнинг августидан буён "Ювентус"да ўйнаб келмоқда. Бу вақт ичида у ва клуб 12 та совринни қўлга киритди: 5 марта Италия чемпионати, 5 марта Италия кубоги ва икки марта мамлакат Суперкубогини қўлга киритди.
Алекс Сандро туринликлар сафида 327 та ўйин ўтказиб, 16 та гол урган ва 28 та голли узатмани амалга оширган.
