"Манчестер Юнайтед" ҳужумчиси Антони Марсьяль клуб билан хайрлашди. Франциялик футболчи 2015 йилдан буён “қизил иблислар” шарафини ҳимоя қилиб келмоқда.
28 ёшли форвард ёзда эркин агентга айланади, чунки унинг шартномаси якунига етади.
“Ҳурматли “Манчестер Юнайтед” мухлислари, мен сизларга хайрлашув мактубини ёзаман. Клубдаги тўққиз йил ақл бовар қилмас тарзда ўтди, фаолиятимда янги саҳифа очиш вақти келди.
Бу формани кийиб, сизлар, дунёдаги энг яхши мухлислар олдида чиқиш қилиш шараф эди. Сиз мени ҳар доим яхши ва оғир дамларда қўллаб-қувватлагансиз.
Мен учун қилган барча ишларингиз учун сизга чин қалбимдан миннатдорчилик билдирмоқчиман. "Манчестер Юнайтед" менинг юрагимда абадий қолади", - дея Марсялнинг сўзларини келтиради UtdDistrict.
