Саудия Арабистони чемпионатининг 34-туридан ўрин олган ўйинда «Ан-Наср» 27 май, душанба куни “Ал-Иттиҳод”га қарши баҳс олиб борди.

Биринчи бўлим охирида Криштиану Роналду ҳисобни очди. Иккинчи бўлимда ҳам Ар-Риёд жамоаси ҳужумкорликни тўхтатмади. 69-дақиқага келиб, Роналду дублни расмийлаштирди.

Учрашувнинг 66-дақиқасида “Ал-Иттиҳод» футболчиси Ал-Меналий қизил карточка олиб, майдонни тарк этди. Қолган дақиқада жамоа бир киши кам бўлиб ўйнашига тўғри келди.79-дақиқада Ғариб пенальтидан унумли фойдаланиб, ҳисобни йирик кўринишга олиб келди.

88-дақиқада Аш-Шамроний жавоб голини уришга муваффақ бўлди. 90+2-дақиқасида Фабиньо ҳисобни қисқартирди. 90+5-дақиқада «Ан-Наср» футболчиси Ал-Немер пенальтини аниқ амалга оширди.

Ўйинда 4:2 ҳисоби қайд этилди ва «Ан-Наср» ишончли ҳисобдаги ғалабага эришди. ШУ тариқа, Роналду жамоаси мавсумни 82 очко билан 2-поғонада якунлади. Мавсумда бирор марта мағлуб бўлмаган «Ал-Ҳилол» эса 96 очко билан чемпионликни қўлга киритди.

Криштиану Роналду 35 та гол билан Саудия чемпионатининг тўпурарига айланди.

Саудия Про Лигаси, 34-тур баҳси
27 май, душанба
«Ан-Наср» — «Ал-Иттиҳод» 4:2
Голлар: 1:0 – 45+3 Роналду, 2:0 – 69 Роналду, 3:0 – 79 Ғариб (пенальти), 3:1 – 88 Аш-Шамроний, 3:2 – 90+2 Фабиньо, 4:2 – 90+5 Ан-Немер.