Saudiya Arabistoni chempionatining 34-turidan o‘rin olgan o‘yinda «An-Nasr» 27 may, dushanba kuni “Al-Ittihod”ga qarshi bahs olib bordi.

Birinchi bo‘lim oxirida Krishtianu Ronaldu hisobni ochdi. Ikkinchi bo‘limda ham Ar-Riyod jamoasi hujumkorlikni to‘xtatmadi. 69-daqiqaga kelib, Ronaldu dublni rasmiylashtirdi.

Uchrashuvning 66-daqiqasida “Al-Ittihod» futbolchisi Al-Menaliy qizil kartochka olib, maydonni tark etdi. Qolgan daqiqada jamoa bir kishi kam bo‘lib o‘ynashiga to‘g‘ri keldi.79-daqiqada G‘arib penaltidan unumli foydalanib, hisobni yirik ko‘rinishga olib keldi.

88-daqiqada Ash-SHamroniy javob golini urishga muvaffaq bo‘ldi. 90+2-daqiqasida Fabinyo hisobni qisqartirdi. 90+5-daqiqada «An-Nasr» futbolchisi Al-Nemer penaltini aniq amalga oshirdi.

O‘yinda 4:2 hisobi qayd etildi va «An-Nasr» ishonchli hisobdagi g‘alabaga erishdi. SHU tariqa, Ronaldu jamoasi mavsumni 82 ochko bilan 2-pog‘onada yakunladi. Mavsumda biror marta mag‘lub bo‘lmagan «Al-Hilol» esa 96 ochko bilan chempionlikni qo‘lga kiritdi.

Krishtianu Ronaldu 35 ta gol bilan Saudiya chempionatining to‘purariga aylandi.

Saudiya Pro Ligasi, 34-tur bahsi
27 may, dushanba
«An-Nasr» — «Al-Ittihod» 4:2
Gollar: 1:0 – 45+3 Ronaldu, 2:0 – 69 Ronaldu, 3:0 – 79 G‘arib (penalti), 3:1 – 88 Ash-SHamroniy, 3:2 – 90+2 Fabinyo, 4:2 – 90+5 An-Nemer.