"Реал" сардори Начо Фернандес келажаги ҳақида аллақачон қарор қилганини айтди. Марказий ҳимоячининг шартномаси жорий мавсум охирида якунига етади.
ОАВда ёзилишича, "қироллик клуби" 34 ёшли фахрий билан шартномани узайтиришга тайёр, бироқ футболчининг қарори ҳозирча номаълум.
"Мавсум тугаганидан кейин нима қилишим ҳақида аллақачон қарор қилдим, аммо ҳозир бу ҳақда гапирмоқчи эмасман, бу тўғри вақт эмас. Сардорлик мақоми ва Чемпионлар лигасидаги ғалаба менинг қароримга таъсир қилмайди", - дея испанияликнинг сўзларини келтиради инсайдер Фабрицио Романо.
Начонинг "Реал Мадрид"даги хайрлашув ўйини 1 июнь куни бўлиб ўтадиган "Боруссия Дортмунд"га қарши Чемпионлар лигаси финали бўлиши мумкин.
