Парижликлар ҳужумчи Рандал Коло-Муанини сотиб олиш қарорига қандай келгани маълум бўлди. Франциялик футболчини Лига 1 гранди ўтган ёзда Франкфуртнинг “Айнтрахт” клубидан 95 миллион евро эвазига сотиб олганди.
Форвард "ПСЖ"даги дебют мавсумида унга тўланган пулни ҳисобга олсак, умуман умидларни оқлай олмади.
Журналист Лоррейн Перриннинг ёзишича, Коло-Муани билан шартнома имзолаш ғояси клуб президенти Носир ал-Хелайфига тегишли бўлиб, футболчининг Қатарда бўлиб ўтган 2022 йилги Жаҳон чемпионатидаги ўйинидан ҳайратда қолган.
Шу билан бирга, трансфер масалалари билан шуғулланувчи Луис Кампуш футболчини жамоада кўришни истамади. Рандал Коло-Муани "ПСЖ" сафида 40 та ўйинда 9 та гол урди ва 6 та голли узатмани амалга оширди.
