Parijliklar hujumchi Randal Kolo-Muanini sotib olish qaroriga qanday kelgani ma’lum bo‘ldi. Fransiyalik futbolchini Liga 1 grandi o‘tgan yozda Frankfurtning “Ayntraxt” klubidan 95 million yevro evaziga sotib olgandi.
Forvard "PSJ"dagi debyut mavsumida unga to‘langan pulni hisobga olsak, umuman umidlarni oqlay olmadi.
Jurnalist Lorreyn Perrinning yozishicha, Kolo-Muani bilan shartnoma imzolash g‘oyasi klub prezidenti Nosir al-Xelayfiga tegishli bo‘lib, futbolchining Qatarda bo‘lib o‘tgan 2022 yilgi Jahon chempionatidagi o‘yinidan hayratda qolgan.
Shu bilan birga, transfer masalalari bilan shug‘ullanuvchi Luis Kampush futbolchini jamoada ko‘rishni istamadi. Randal Kolo-Muani "PSJ" safida 40 ta o‘yinda 9 ta gol urdi va 6 ta golli uzatmani amalga oshirdi.
