"Интер" ярим ҳимоячиси Дэви Классен ёзда жамоани тарк этади. Нидерландиялик футболчининг шартномаси шу ёзда тугайди.
Шундай қилиб, Классен тез орада эркин агентга айланади, дея хабар беради инсайдер Николо Шкира. 31 ёшли ярим ҳимоячига А Серия, Франция 1-лигаси ва Туркия Суперлигаси вакиллари аллақачон қизиқиш билдиришган.
Дэви Классен "Интер"да бор-йўғи бир мавсум ўтказди. У ўтган ёзда Амстердамнинг "Аякс" клубидан кўчиб ўтиб, миланликлар грандлар сафига қўшилган эди.
Футболчи Симоне Индзаги жамоасида жами 18та ўйин ўтказиб, бирорта ҳам гол урмаган.
