"Челси"дан марказий ҳимоячи Тосин Адарабиойога таклиф тушди. 26 ёшли футболчи "Фулхэм"ни тарк этади. Унинг шартномаси тугайди ва узайтирилмайди. Sky Sports хабарига кўра, "Челси" аллақачон инглиз футболчиси билан боғланиб, унга меҳнат шартномаси таклиф қилган.
Аввалроқ "Манчестер Юнайтед", "Ливерпуль", "Ньюкасл", "Милан" ва бошқа клублар "Манчестер Сити" академияси битирувчисига давогарлар қаторида эди.
Тосин Адарабиойо 2020 йилдан буён “Фулхэм” шарафини ҳимоя қилади. Умуман олганда, марказий ҳимоячи клуб сафида барча мусобақаларда 132 та ўйинда майдонга тушди.
