Саудия Арабистони чемпионатининг 34-турида “Ал-Ҳилол” жамоаси “Ал-Ваҳда”ни мағлуб этди (2:1).
Шу тариқа, Жорже Жезуш бошчилигидаги жамоа чемпионатда ҳам, (ҳозирда) мамлакат кубоги ва Суперкубогида ҳам мағлуб бўлмаган.
31 май куни “Ал-Ҳилол” Қирол кубоги финалида Криштиану Роналдунинг “Ан-Наср” клубига қарши майдонга тушади.
Саудия Арабистони чемпионатининг жорий мавсумида “Ал-Ҳилол” футболчилари 34 учрашувда 101 та гол урган бўлса, жамоа ўз дарвозасидан 23 та гол ўтказиб юборган. Жамоа 96 очко (31 ғалаба, 3 дуранг) тўплаб чемпион бўлди.
Эслатиб ўтамиз, “Ан-Наср” мавсум давомида 100 та гол урди. Криштиану Роналду тўп тепаётган клуб 82 очко билан иккинчи ўринни эгаллади.
