Венсан Компани "Бавария" бош мураббийи лавозимини эгаллашга яқинлашмоқда.
Bild хабарига кўра, бельгиялик ёш мутахассис мюнхенликлар билан чоршанба куниёқ шартнома имзолаши мумкин.
"Бавария" яна бир қанча мутахассислар билан келиша олмаганидан кейин Компани билан музокараларни бошлади.
Шу билан бирга, Мюнхен клуби мухлислари Компани борасида ҳамон эҳтиёткор. Бельгиялик бош мураббийлигида “Бёрнли” жорий йилнинг баҳорида Англия премьер-лигасидан тушиб кетди.
Эслатиб ўтамиз, “Бавария” 2023/2024 йилги мавсумни совринларсиз якунлаганди. Томас Тухель жамоа бош мураббийи лавозимини тарк этди.
