Мюнхеннинг «Бавария» клуби «Штутгарт» ҳужумчиси Серу Гирассига қизиқишда давом этмоқда, у Бундеслигада Харри Кейндан кейин иккинчи энг яхши тўпурарга айланган.
Эслатиб ўтамиз, 28 ёшли гвинеялик футболчи Германия чемпионатининг 28 учрашувида 28 та гол урган.
Журналист Флориан Плеттенберг берган маълумотларга кўра, Гирасси билан боғлиқ вазият янги бош мураббий Венсан Компани қандай тизим билан ишламоқчи эканлигига боғлиқ.
Бельгиялик мутахассис иккита ҳужумчини майдонга туширишга тайёр бўлса, Серу трансферга тайёр бўлади.
Акс ҳолда, Гирасси мюнхенликлар таклифини рад этади, чунки у захирада ўтиришни истамайди. Гирассига Англия премьер-лигаси клублари ҳам қизиқиш билдираётгани аввалроқ хабар қилинганди. Серунинг шартномасида товон пули тахминан 25 миллион еврони ташкил қилади.
