Myunxenning «Bavariya» klubi «Shtutgart» hujumchisi Seru Girassiga qiziqishda davom etmoqda, u Bundesligada Xarri Keyndan keyin ikkinchi eng yaxshi to‘purarga aylangan.
Eslatib o‘tamiz, 28 yoshli gvineyalik futbolchi Germaniya chempionatining 28 uchrashuvida 28 ta gol urgan.
Jurnalist Florian Plettenberg bergan ma’lumotlarga ko‘ra, Girassi bilan bog‘liq vaziyat yangi bosh murabbiy Vensan Kompani qanday tizim bilan ishlamoqchi ekanligiga bog‘liq.
Belgiyalik mutaxassis ikkita hujumchini maydonga tushirishga tayyor bo‘lsa, Seru transferga tayyor bo‘ladi.
Aks holda, Girassi myunxenliklar taklifini rad etadi, chunki u zaxirada o‘tirishni istamaydi. Girassiga Angliya premyer-ligasi klublari ham qiziqish bildirayotgani avvalroq xabar qilingandi. Seruning shartnomasida tovon puli taxminan 25 million yevroni tashkil qiladi.
