Мадриднинг “Реал” клуби ярим ҳимоячиси Жуд Беллингем Чемпионлар лигаси финали олдидан Дортмунднинг “Боруссия” клуби футболчилари билан мулоқотда бўладими ёки йўқлигини айтди.
1 июнь куни "Уэмбли" стадионида асосий еврокубокнинг ҳал қилувчи баҳсида "Реал Мадрид" ва Дортмунд жамоалари ўзаро баҳс олиб боришади.
"Мен бу ҳафта "Боруссия"нинг ҳеч бир футболчиси билан гаплашмадим. Бироқ Санчодан кичик хабар олдим.
Мен у билан гаплашдим. У шунчаки: "кўришгунча" деди ва шунга ўхшаш нарсаларни айтди. Дортмундга илк бор келганимда мени ўз қаноти остига олган киши Жейдон эди. У жуда яхши йигит. У менга кўп ёрдам берган", - дея Беллингемнинг сўзларини келтиради Goal.
