Енгил вазн тоифасида UFC чемпиони, россиялик Ислам Махачев UFC'нинг янги талқиндаги қўлқоплари ҳақида фикр билдирди.
"Мен янги қўлқопларнинг эскиларига қараганда қаттиқроқ эканини сездим. У қўлингизни тўлиқ очишга имкон бермайди, бунинг натижасида бармоқларингиз олдинга талпинмайди ва кўзга кириб кетмайди. Янги қўлқоплар жуда қаттиқ, аввалгилари эса нисбатан юмшоқроқ эди.
Шу сабабдан, энди октагонда кўп қон тўкилади. Мен аввалари ҳеч қачон қўлқопларимни уйда сақлаб қўймаганман, лекин бу сафар олтин рангли қўлқопни ўзимда қолдираман", деди Махачев.
