Италиянинг «Наполи» клуби ёзги трансфер ойнасида қанот ҳужумчиси Хвича Кварацхелияни сотмоқчи эмас. "Il Corriere Dello Sport" хабарига кўра, партенопейликлар Франциянинг «ПСЖ» клуби шартнома имзоламоқчи бўлган грузиялик футболчи билан хайрлашмоқчи эмас.
Манбага кўра, Антонио Конте тез орада «Наполи»нинг янги мураббийига айланади. Италиялик мутахассис Кварацхелияни жамоада олиб қолмоқчи.
Хвича Италия чемпионати сўнгги мавсумида 11 та гол урди ва 6 та голли узатмани амалга оширди. 23 ёшли вингер «Наполи»да иккинчи мавсумини ўтказди.
Аввалроқ, парижликлар Хвича учун 100 миллион евролик таклиф юборгани хабар қилинганди.